Noor – Ek Khwaab, Ek Haqeeqat
Episode 1: Bachpan ka Noor Kuch jazbaat likhnay se zyada mehsoos kiye jaate hain... aur kuch rishtey kehne se zyada jeeye jaate hain. Ye kahani meri zindagi ke us haseen dor ki hai jahan sab kuch masoom tha, khula tha, be laaluch tha. Noor... meri phupoo ki beti... lekin mere liye sirf ek rishtedaar nahi, balkay ek ehsas thi jo bachpan se mere saath chalta raha. Hamari pehli yaadgar mulaqat mere taya k betay ki shadi par hui thi. Noor hamare ghar rukhi hui thi aur us din pata nahi kaise, magar hamari ghanto lambi guftagu ne ek naya rishta janam diya. Main sirf 11 saal ka tha, magar uski baaton ka asar kuch aur hi tha. Us raat jab wo mere paas baiti thi, apna haath mere sir par rakha hua tha, aur main us waqt ko sirf mehsoos kar raha tha — bina kisi lafz ke. Dheere dheere hamari dosti barhti gayi. Main jab bhi uske ghar jata, raat bhar uske kamray mein baith kar hum baatein karte rehte. Kabhi hansna, kabhi masoom jhagde, kabhi gehri baatein... har lamha mere liye ek yaad ban gaya. ...